گجرات:فوڈ اتھارٹی کی کاروائیاں‘مجموعی طور پر 1 لاکھ 67 ہزار روپے جرمانے عائد کر دیے

گجرات: ڈپٹی ڈائریکٹر پنجاب فوڈ اتھارٹی رضوان سعید کی ہدایات پر ضلع بھر میں خوراک کے معیار کو یقینی بنانے کے لیے کارروائیاں جاری ہیں۔کارروائیوں کے دوران مجموعی طور پر 173 انسپکشنز کی گئیں، جن میں 51 بہتری کے نوٹسز جاری کیے گئے۔مزید برآں 12 مقامات پر جرمانے عائد کیے گئے جبکہ مجموعی طور پر 1 لاکھ 67 ہزار روپے جرمانہ وصول کیا گیا۔ اس دوران 13 فوڈ سیمپلز بھی حاصل کیے گئے۔کارروائیوں کے دوران 6.82 کلوگرام زائد المیعاد اشیائے خورونوش تلف کی گئیں۔ڈپٹی ڈائریکٹر پنجاب فوڈ اتھارٹی نے ہدایت کی کہ عوام کو معیاری اور محفوظ خوراک کی فراہمی یقینی بنانے کے لیے چیکنگ کے عمل کو مزید مو¿ثر بنایا جائے اور خلاف ورزی کرنے والوں کے خلاف سخت کارروائی جاری رکھی جائے۔