صدقہ اور زکوٰة کی ادائیگی میں کس طرح کی احتیاط ضروری ہے ؟ اہم وضاحت

سلامی نظریاتی کونسل کے چیئرمین اور جامعہ نعیمیہ لاہور کے مہتمم ڈاکٹر راغب حسین نعیمی نے کہا ہے کہ صدقہ اور زکوٰةمیں بنیادی فرق ہے ڈاکٹر راغب حسین نعیمی نے کہا کہ صدقہ انسان کی جان اور مال دونوں کا ہوتا ہے اور اس کا مقصد مشکلات اور مصیبتوں کو دور کرنا ہے۔ صدقہ صرف رقم کی صورت میں ہی نہیں بلکہ کپڑوں، اشیائے ضرورت، طلبہ کی کتابوں یا کسی شخص کو روزگار کے لیے مشین یا سامان فراہم کرنے کی صورت میں بھی دیا جا سکتا ہے ڈاکٹر راغب حسین نعیمی نے بتایا کہ زکوٰة کی رقم اور اس کے مستحقین شریعت میں متعین ہیں جبکہ صدقہ نفلی خیرات ہے جو اللہ کی رضا کے لیے کسی بھی مقدار میں دیا جا سکتا ہے زکوٰة کے مستحقین کا ذکر قرآن مجید میں 8 طبقات کی صورت میں کیا گیا ہے جن میں مساکین، فقرا، قرض دار، اللہ کی راہ میں کام کرنے والے افراد اور دیگر مستحق طبقات شامل ہیں۔ ان کا کہنا تھا کہ زکوٰة انہی افراد کو دی جانی چاہیے جنہیں شریعت نے مستحق قرار دیا ہے۔