اوورسیز پاکستانی وکلاء کو سپریم کورٹ میں حقِ وکالت دینے کا مطالبہ

لاہور: انٹرنیشنل لائرز کلب یوکے (ILCUK) کے بانی و چیئرمین بیرسٹر رضوان سلہریا نے پاکستان بار کونسل کے لاہور آفس میں وائس چیئرمین پیر مسعود چشتی سے اہم ملاقات کی، جس میں اوورسیز پاکستانی وکلاء کو پاکستان کی سپریم کورٹ میں پریکٹسنگ لائسنس اور حقِ وکالت (Right of Audience) دینے کے دیرینہ مطالبے پر تفصیلی تبادلۂ خیال کیا گیا۔ملاقات کے دوران بیرسٹر رضوان سلہریا نے اوورسیز پاکستانی وکلاء کو پاکستان کی اعلیٰ ترین عدالت میں پیش ہونے اور قانونی خدمات انجام دینے کے مواقع فراہم کرنے کے معاملے کو اجاگر کیا۔ اس مطالبے کا بنیادی مقصد بیرونِ ملک مقیم پاکستانی وکلاء کی پیشہ ورانہ صلاحیتوں اور تجربات سے استفادہ کرنا اور انہیں پاکستان کے قانونی نظام میں مؤثر کردار ادا کرنے کے مواقع فراہم کرنا ہے۔انٹرنیشنل لائرز کلب یوکے (ILCUK) گزشتہ 11 برس سے اوورسیز پاکستانی وکلاء کے حقِ وکالت کے لیے مسلسل جدوجہد کر رہا ہے۔ کلب کی جانب سے اس مطالبے کو بیرونِ ملک پاکستانی قانونی ماہرین کی پیشہ ورانہ خدمات کے اعتراف اور پاکستان کے عدالتی و قانونی شعبے سے ان کے روابط مضبوط بنانے کی کوشش قرار دیا جاتا ہے۔بیرسٹر رضوان سلہریا کی جانب سے اس معاملے کو متعلقہ قانونی فورمز پر اجاگر کرنے کی کوششیں اوورسیز پاکستانی وکلاء کے لیے پیشہ ورانہ مواقع کی اہمیت کو نمایاں کرتی ہیں۔ ان کا مؤقف ہے کہ بیرونِ ملک پاکستانی وکلاء کی صلاحیتوں اور تجربات سے استفادہ کرنے کے لیے ان کے حقِ وکالت کے معاملے پر پیش رفت ضروری ہے۔اوورسیز پاکستانی وکلاء کو سپریم کورٹ میں پریکٹسنگ لائسنس اور حقِ وکالت دینے کا مطالبہ تاحال ان کی جدوجہد کا اہم حصہ ہے۔ انٹرنیشنل لائرز کلب یوکے نے اس سلسلے میں اپنی کوششیں جاری رکھنے کے عزم کا اظہار کیا ہے۔
منزل ابھی باقی ہے، جدوجہد جاری ہے!