شیخ رشید عمرہ کیس: عدالت نے عمرہ اجازت سے متعلق سنگل بینچ کا فیصلہ کالعدم قرار دیدیا

اسلام آباد:شیخ رشید احمد کے عمرہ کیس میں ہائیکورٹ کے ڈویڑن بینچ نے عمرہ اجازت سے متعلق سنگل بینچ کا فیصلہ کالعدم قرار دے دیا اور حکومت کی انٹرا کورٹ اپیل منظور کرلی ڈویڑن بنچ جسٹس جواد حسن اور جسٹس طارق باجوہ پر مشتمل تھاعدالت نے یہ بھی قرار دیا کہ شیخ رشید احمد کی انسداد دہشت گردی عدالت میں خارج کی گئی عمرہ درخواست بحال تصور ہوگی اور متعلقہ عدالت اس پر دوبارہ میرٹ کے مطابق فیصلہ کرے گی عدالت نے حکم دیا کہ انسداد دہشت گردی عدالت عمرہ اجازت کی درخواست کا ازسرنو میرٹ پر جائزہ لے اور فریقین کو سن کر فیصلہ کرے۔